قصيدةبيـن المغنى وفلـسـطيـن| موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة

بيـن المغنى وفلـسـطيـن

بيـن المغنى وفلـسـطيـن
بيـن المغنى وِفَلَـسـطيـنْ
تايـهْ قلبي شمـال ويمينْ
شفت غزاله وحلوه نقاوهْ
بـدر بــدور جوّه فلسطينْ
شغلت قلبي وأسرت عقلي
خلّـت ليلي سـهر وحنـيـنْ
شفـت الحـرّه وشفـت الدرّهْ
قلـت ف بالي نصيبها لمينْ
شفـت العـزم وشفـت القـوّهْ
بيــن خطـوتها ونـظر العيـنْ
قلت يـواد الجايـزه نصيبـها
تفـرح بيها وافـــوز باتنيـنْ
رحت اخطبها لوحدي اطلبها
قعـدت تبكي وصوتها حزينْ
بـصّــت ليَّ وصـرخـــت فيَّ
جاي تخطبني وقدسي رهينْ
أرضـك ضايعه وبلدك والعهْ
وانت يا روميو خالفت الدينْ
ليـل ونهـار عمّـال بتغـنّـي
جبت الجايزه ورحت لوينْ
أولاد عمـك زادوا ف همّـكْ
خلـوك تنسى شهامتك فيـنْ
رفعوا علامتك باعوا كرامتكْ
خانــوا أمانتك لاجـل كوهينْ
خلوا الشعب يكــون رقّاصْ
رافعين صورك في الميادينْ
صقف وطبل وضرب النارْ
علشان فزنا با ابو التلحينْ
بنت بترقص وياّ صديقها
وامها واقفه تقول يا معينْ
هزّي يا بنتي ف وسطك حبّهْ
ممكن نجـوى تشوفـك زيــنْ
حتى حماس اليوم فرحانهْ
بيـك يا محمد نسيوا أنيـنْ
اقـوم اتـوضا وعاهد فضهْ
صالـح بلـدك وانس رنيـنْ
واحمل مدفـع بلـدك تنفــع
صـدر عـدوك خليـه شيـنْ
حرر أرضك واجمع شعبكْ
على القــرآن والسنّه تِعِينْ
بعدها تبقى تعالى اخطبني
حبّــك يكبـــر جـوه العيـــنْ
رمشي يحوطك ثغري يبوسك
وانـت حبـيـب قلـب فلسطيــن

عبدالعزيز المنسوب
27,مارس,2014


الكلمات الدليلية: بيـن, المغنى, وفلـسـطيـن,




التقييم = 100 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل