قصيدةرجعلها قلبها علشان ترجعلك حبها| موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة


رجعلها قلبها علشان ترجعلك حبها

كل عيد حب وانتم دائماً في سعاده
النهارده حبيت أقدم حاجه مختلفه عن الشعر .. بس اعتقد لو فكرنا فيها هنلاقي السعاده في البيوت
خلاص مبقاش حد عنده أمل انه ممكن يعيش سعيد في يوم علشان كده فكرت اننا ممكن ببعض اللمسات الجميله نقدر نحرك القلوب ولو القلوب اتحركت يبقى هنعيش سعاده لا تنتهي
المعنى الجميل اختفى من حياتك ومن حياتها تفتكر ليه ..؟
( هي ) مش حاسه انها انسانه نفسها تحس انها اميره في بيتها متوجه على عرش قلبك حتى ولو بكلمه تقدير عن كل بتعمله علشانك وعلشان خاطر اسرتك ,
( انت ) مبقاش عندك وقت تحسسها بالشعور ده وخلاص اتجوزتها هتعوز ايه تاني من الدنيا ^_^
انتم الإثنين اصابكم الملل ...
( هي ) لان مبقاش عندها تحفيز قوي منك يخليها تكمل مسيرتها
في اسعادك
( وانت ) علشان مبقاش عندك وقت ولا خلق ولا نفس تعبر لها عن كيانها كامرأه,
يمكن عيد الحب النهارده يكون بدايه جديه ليك وليها ...صحيح يمكن!
مش هقولك هات هديه علشان عارفه انك في نصف الشهر وعارفه ان المرتب خلص بس اعتقد لو جيبت ورده وطبعت عليها محبتك ليها هتفرق كتير ..
ازاي ده ..؟
هقولك ..
اي ست في الدنيا أسرع وسيله تخليك توصل لإختراق قلبها هي الكلمات الجميله او نظرات بها محبه وشوق وخوف وإحتواء تحسسها بالأمان,
لو روحت واخترت اي ورده وادتهالها بس بهدف الواجب وعلشان ترتاح من الزن وعلشان متقولش انك راجل مش رومانسي !
تأكد ان هيكون ملهاش اي قيمه عندها لأنها محستش بمعناها فيك , وحتى لو كنت جبت لها ماسه وانت مش حاسس انك حابب انك تهديها , وبتتعامل بردو بهدف الواجب
بردو مش هتعني عندها شئ .. كده بقت الكوره في ملعبك
يعني الستات مش بتطمع في حاجات كبيره زي ما بتقول عنها انما بتطمع في الإحساس بالشئ المقدم
تعالى بقى تخيل انك نفسك تهدي زوجتك النهارده أو خطيبتك ورده ..
وروحت محل الورد واخترت بعنايه الورده
اللي هتهديها طبعاً كله عند بياع الورد زي بعضه لكن انت عينيك هتقع على ورده معينه حابب انك تهديها لحبيبتك
اخترت الورده وغلفتها وطول الطريق محافظ على أوراقها من التساقط وانت ماشي عديت على مكتبه اشتريت كارت , وكتبت فيه الكلام إللي قلبك عايز يقوله
حتى لو كلمه واحده بس وروحت البيت وحطيتها في مكان قريب انها تشوف
الورده فيه .. فتحت الكارت وقرأت كلامك تخيل إيه ممكن يحصل ........؟
هل هتطلب مصروف البيت ؟؟
هل هتنكد عليك في اليوم المفترج ده ؟؟
هل هتسمع صوت عالي منها ولا تريقه على الورده ؟؟
اتـــحــــــــــــــداك
مش هتلاقي منها غير كل سعاده لأنك حسستها ولو للحظه إنها انسانه لها قلب يحترم,
حتى لو كنت كاتب في الكارت اعتذار لها عن كل الأيام إللي انشغلت عنها فيها او كتبت فيه تقديرك لها او حتى بتشكرها على كل شئ بتعمله
علشانك وعلشان بيتك وأسرتك ,
أو حتى كل حاجه بتزعلك منها ونفسك انها تغيرها..
تخيل ورده لا تؤثر في ميزانية البيت ولا تؤثر على مصروفاتك .. عملت فيها ايه ؟! مش مصدق صح ..؟
طيب جرب كدا وشوف ايه هيحصل ..
اهم من اختيار الهديه وسعرها .. الإحساس إللي هتقدمه بيها ..
يفرق كتير اوي انك بتقدم حاجه بحب وانك بتقدم اغلى حاجه بس من غير حب
, خلصنا من أدم وطبعاً هيقول هو كل حاجه انا اللي ابدأ
هقولك ان إللي بيبحث على السعاده مش بيفكر مين يبدأ المهم انه يدي احساس علشان ياخد سعاده
" بيزرع محبه علشان يحصد شوق ولهفه وإحتياج "
اما انتِ ياحواء ..
_________
لا تكتمل سعادتك وسعادة اللي في قلبك الا اذا خليتي بيتك مملكه
علشان تستحقي انك تكوني ملكه متوجه على عرش قلوب من فيه
خلي الليله دي مختلفه عن باقي الأيام بلمساتك الرقيقه وباسرارك على التغيير وكسر الروتين ,
نتفق ان النهارده بلاش نتكلم عن مصروف البيت ولا مشاكل العيال ولا تعبك في البيت ولا تقولي انك خدامه في البيت لان مفيش ام بتسمي عطائها لولادها ولبيتها خدمه ,
لكن ممكن نسميها عطاء وافر لناس كلهم مسؤولين منك ولو مش هتلبي احتياجاتهم تأكدي ان مفيش حد يعرف ياخد دورك ويعمل اللي بتعمليه
ولو ياحواء كنتِ ليه خطيبه بلاش تزهقي خطيبك النهارده بالشقه والتوضيب وماما قالت وبابا قال وتنكدي عليه لدرجة انه يكره ان جالك ,
النهارده ممكن نتكلم في حاجه مفيد زي الحياه السعيده مستقبلاً انكم تتفقوا ان بيتكم لازم يكون مميز عن بيوت أصحابكم,
طبعاً محدش هيوصل للمثاليه ولكن احنى بنحاول نلاقي مداخل جديده لحياتنا تجعلنا سعداء☺
وعلى فكره مش شرط يكون بس النهارده في عيد الحب التغيير
احنا ممكن نعمل لينا في كل يوم عيد حب او في كل شهر عيد حب ,
طيب اللي جوزها مسافر ولا خاطبها ولا العكس يعمل ايه ؟!!
مش نسياكم خالص ارجعو للطرق القديمه
ابعت جواب بالبريد وقول كل إللي عايز تقوله مافي حاجه تمنعنا اننا نتواصل مع اللي بنحبهم ,
كلامي مش كلام ناس مرتاحه بالعكس
لكن اللي بيبحث عن السعاده لازم يحافظ على اشتعال نبض قلبه من وقت لأخر ,
انا خلصت كلامي بس ممكن نخلي النهارده يوم مختلف ..؟
( انت و انتـِ )
*احترم أنك تكون لها فارسها طول العمر حتى ولو بكلماتك الرقيقه التي تهمس لها بها,
* وانتـِ احترمي ان تجعلي ذكاؤك وقلبك يعملان معاً حتى تجدي ما يجعلك أميره متجدد في عيونه كل يوم
بكل حب اتمنى لكم حياه سعيده ومتجدده كل يوم .
كلمات / هايدى دياب
كتبت في
14-02-2010

هايدى دياب
14,فبراير,2014


الكلمات الدليلية: رجعلها, قلبها, علشان, ترجعلك, حبها,




التقييم = 60 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل