قصيدةالأحسن تبعد عني| موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة


الأحسن تبعد عني

الأحسن تبعد عني
*************
فاكر ح أرجعلك تاني
ويجي عليه اليوم تنساني
ولما في يوم قلبك يجرحني
تفرح لما تشوف أحزاني..؟
أحسن لك تبعد عني
عمال تسيبني وترجع ليه ياحبيبي وأنا سيباك
وفاكر ح أستحمل كدبك وعمري ما ح أعرف إني أنساك
لأ فوق أنا ح أبعد عنك أنا مابقتش أدوب في هواك
وبقولها أدام قلبك أنا دلوقتي بتحداك
أحسن لك تبعد عني
بتغيب وبترجع ليه وببقى في بعدك عايشه في نار
ولما أسأل سبب البعد بتخلق من الهوا ميت أعذار
بتقولي أنا حبيتك وقلبي عليكِ شاور وإختار
وكلامك يطلع كدب وأرجع أتعذب وأنهار
أحسن لك تبعد عني
الأحسن تمشي خلاص .. أنا مش ح أسمعلك تاني
من الأول أنا غلطانه إني اخترت قلب أناني
مش ممكن أنا ح أرجعلك حتى إن عيشت يتيم وحداني
وخلاص أنا فزت عليك فبلاش يابني تتحداني
والأحسن تبعد عني .

هايدى دياب
22,يناير,2014


الكلمات الدليلية: الأحسن, تبعد, عني,




التقييم = 60 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل