قصيدةانت مين ؟| موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة


انت مين ؟!

إنت مين..؟
*********
يا اللى روحى حاسة بيك
يا اللى قلبى بيناديك
يا اللى جرحك موت قلبى
حتى كرهت دموع عنيك
إنت مين.....
إنت روح تعشقها حياتى
ولاّ كلمة فى ذكرياتى
ولاّ مشوارى وأهاتى
ولاّ جرح فى قلبى أليم
إنت مين
إنت همى ولاّ جرحى ولاّ ذكرى للسنين
إنت نارى ولاّ اختيارى ولاّ روح ناقصة حنين
إنت حزنى ولاّ فرحى ولاّ دموع قلبى الحزين
أنت مين
إنت حبى ولاّ عذابى ولاّ عاشق للملام
إنت ماضى ولاّ حاضر ولاّ صمت بدون كلام
إنت سهم ولاّ كلمة ولاّ جملة فى قلب خام
إنت مين
يا اللى بتزود بكائى
قل شوقى واشتياقى
ضاع معاك عمرى اللى باقى
وعايزنى أرجع مستحيل
يا اللى خلاص ارتحت مكانك
روح خلاص وعيش زمانك
سيبنى وحدى ويّا قلبى
ويّا إحساسى الجميل
أنت عايز تانى أحبك!
بعد هجرك!
بعد ظلمك!
إنت فاكر قلبى عبدك سيبلى قلبى للسنين
قبل ماتكمل كلامك
قبل ما اسمع يوم ملامك
قبل متزود آلامك
قول لي بس تبقى مين
إنت روح تعشقها حياتى
ولاّ كلمة فى ذكرياتى
ولاّ مشوارى و آهاتى
ولاّ جرح فى قلبى أليم...
إنت مين...؟ .

هايدى دياب
22,يناير,2014


الكلمات الدليلية: انت, مين,




التقييم = 0 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل