قصيدةمش مبسوطه | موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة


مش مبسوطه

مش مبسوطة
***************
حاسة بأني مش موجودة
رغم شقاوتي رغم كلامي
رغم جنوني رغم غرامي
خايفه أكون والله محسودة
أصحى الاقي الناس زعلانة
أسأل ليه ؟ يقولولي غلبانة
طب إيه مالهم؟
ليه الهم ده شاغل بالهم؟
أصل خلاص مبقاش فيه حاجة
ممكن يوم تغير حالهم
كل يوم بيسوء ع التاني
والمظلوم بقى واحد جاني
والأخبار مجنناني
والعربي بنكتبه ألماني
قلت هعيش ازاي وأنا حاسة
ان الناس كلها موجوعة
قلت أزعق أفوّق غيري
لكن أصواتي مش مسموعة
قلت أنا لازم يبقالي واقفة
قالوا الاعتراضات ممنوعة
تعبت زهقت أعمل ايه..؟!
يمكن حلم..!
يمكن علم..!
فضلت أفكّر
قلت أبخّر
لأكون فعلاً أنا محسودة
مش مبسوطة .

هايدى دياب
22,يناير,2014


الكلمات الدليلية: مش, مبسوطه,




التقييم = 0 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل