قصيدةمش فاهمني | موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة


مش فاهمني

مش فاهمنى...!
*************
مش فاهمنى
وعمال دايما بيحاسبنى
وكل شويه بيزعل منى
قال علشان مبغيرش عليه
ياما فهمته إنى معاه
مش محتاج أغير فى هواه
علشان يعرف إنى بحبه
وعمر ما قلبى فى يوم ينساه
مهما أفهم فيه وف عناده
بردو مش بيصدق حبى
أصل خلاص مبقاش فى حياته
إلا حكاية غيرت قلبى
وأرجع وأصبر وأرضى بحالى
وياما سهرت فى زعله ليالي
وكل ما أقول إنت بتهوانى ...؟
يرجع يزعلى طبعاً تانى
أنا مبغرش مهو أنا عرفاه
عمر ماحد شغل له هواه
وعارفه مكاني وروحي في قلبه
لازمت ايه افضل خنقاه
ويرجع تانى ويزعل منى
وكل شويه يقوم ويسبنى
حد يقول له إنه ظلمنى
ومش محتاجه أغير فى هواه
والله ما عارفه
إيه اللى جراله
شايل هم الغيرة ده ليه
أنا مش هابعد عنه ولكن
تعب الغير ماقدرش عليه
أصل أنا عارفة إنى حياته
فـ هشغل بالى
بالغيرة على إيه !!
حد يقوله إنه ظلمنى
ويفهم إن بزعله آلـِمنى
حد يقوله ييجى يكلمنى
وعمرى ما هاعرف أقسى عليه
مش فاهمنى ..! .

هايدى دياب
22,يناير,2014


الكلمات الدليلية: مش, فاهمني,




التقييم = 60 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل

العضو : نبيل صلاح الدين

التعليق : روعة سلمت يداك