قصيدةنقطه ومن أول السطر | موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة


نقطه ومن أول السطر

نقطه ومن أول السطر :...
*******************
آسف حبيبتي
دلوقتي أنا ح عترفلك ولازم تعذريني
أنا عارف إنك إنتِ دلوقتي حبتيني
لكن لازم أبعد.. وهايجي يوم وتنسيني
مثلت الدور عليكِ
وإنتِ اللى صدقتيني
دلوقتي راجعت نفسي
ندمان حبيبتي.. سامحيني..!؟
إستنى
بسهوله قولت الرسالة ... وعايزينى ال أسامحك
وإنت اللى بعت قلبى اللى عمره ماجرحك
صدقتي أنا مش حزينه علشان إنت بعتني
بجد أنا لو حزينة ح يكون علشان خنتني
زيفت حتى قلبك ومشاعرك البريئة
صدقني من بعد جرحك أنا لازم أكون جريئة
وكمان أنا ح أعترفلك ....
الجرح من قلب خاين اللى بحبه قِسي
أكيد ده مايتحبش.. ده يادوب يتنسي
دلوقتى خايف عليا لـ أفكر في الإنتحار
قلت أوام ألحقها برسالة اعتذار
لأ والله برافو عليك مثلت الدور تمام
وقولت ألحقها لحسن تفكر فى الإنتقام
وخايف يوم أواجهها ماكنش قدها
ويوم ماتفكر تجرحني هتنتقم لغدرها
فهرجع تانى ليها وأقول أنا بحبها
وبعد ماتصدق قلبي أبعد وأبقى سبتها
وأقول ظروفي بعدتني وأبقى توهتها
لأ .. فوق ...
مش أنا اللي أبعد وأرجع... لقلوب عاشقه الخيانة
إنت اللي طلبت تبعد... وإنت اللى خنت الأمانة
دلوقتي بتعتذرلي... وفاكرنى ح أنسى الإهانة
عمال بتلوم فى نفسك ... هو إنت عندك ضمير...؟
فكرك فى يوم ح صدق ... دموع تمساح كبير
هوايته يصيد فريسته ... بدموعه المزيفه
ورعشة قلبه الضعيفة ....؟ انسى ده مستحيل
أنا مش ح رجعلك تاني ... وأقول مجرد رسالة
وأرجع من تاني أصدق ... الغدر والخيانة
وح قولها وأنا مش ضعيفة ... مافضلش لك مكانة
وأوعى تفكر ترجعلي ... مش هقبل بالمهانة
خلص الكلام ونقطة.... خلصت ... الرسالة .

هايدى دياب
22,يناير,2014


الكلمات الدليلية: نقطه, ومن, أول, السطر,




التقييم = 60 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل