قصيدةحبيتك| موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة

حبيتك

منيش شرقاوى لكنّى باموت فيكم
وحبّى رغم كترتكم يكفيكم
أمرت الشعر بالثورة على الدنيا
لقيت الشعر فى قلبى بيخفيكم
منيش شرقاوى لكنّى بادوب فيكم
وحبيتكم لوجه الله
وطار قلبى على بيوتكم
يصبحكم وكنت معاه
( صباح الخير يا شرقية )
رأيت فيكِ .. وشوش سِمحة
بشوشة بضحكة متسامحة
وداب الشعر فـ التقاسيم وحوّلها
فصوص لولى
ودار الحب جمّع حَبها فـ سِبحة
بقالى سنين تفوت عشرة
وبحر الشعر بيجدف فـ شريانى
وكان الشعر بيغنى فـ قلبى قبل ما يغنى على لسانى
كتبت الشعر قبل ما ازور أراضيكم بإحساسى
وبعد ما جيت لناديكم
كتبت بروح وكْيانى
منيش شرقاوى لكنّى
ما حسّتشى فـ يوم بالغربة ما بينكم
بينى وبينكم
باحس إنى واحد منكم
منيش شرقاوى شدتنى لها هيه
بلاد فرشت ترابها شوق وحنية
غريق فـ العشق أنا لشوشتى بـ "منصورتى"
ورغم هوايا حبيتك ياشرقية

إكرامي قورة
08,ديسمبر,2013


الكلمات الدليلية: حبيتك,




التقييم = 0 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل