قصيدةالوصيه | موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة


الوصيه

اكتبُ وصيتي لكم وأنا عل فراشي
وجسدتي يرتعشُ من الخَوْف
وعيني تذرفُ نهراً من الألم
العمر واحد والأرض كل من عليها فان
مكتوب عليا الموت زي أي انسان
دي وصيتي ليكوا:
خليكوا فاكرني
متضحكوش عل شيء بكاني
ولا تعودوا لشيطانكوا من بعدي تاني
واذكروني بكل طيب وخير
واعملوا مابأيديكوا وارموه في يير
ياصحابي
متزعلوش من هزاري وكلامي معاكوا
ولا نصحيتي ليكوا
ومتنسوش تحكوا لولادكوا
عن صاحب عمركوا
واوعوا اكون منسي
وقولولهم
إن اسمي كان دايماً ملازم لاسمكوا
متمسحوش رقمي
ولا صورنا
واحفظوا سري
وعيدوا وكرروا كلامنا
واخرجوا كل جمعه زي مانتوا
متنسوش البلاي ستيشن
وافتكروا إن ساعات كنت بكسبكوا
متلبسوش أسود ولا في يوم تبكوا
أنا فاكر إن أكلت معاكوا ودخلت في يوم بيتكوا
فخدوا عزايا وانتوا اخواتي
وأمانه
خدوا بالكوا من امي
واخواتي وسيرتي
وأبويا سندوه
وقولولوا : هتهون ياحاج والله وتعدي
واوعوا في يوم تسبوه
وقولوا لامي تطلع هدومي صدقه
او حاجه تنفعني في الاخره
ومتقلقش أنا عند اللي خلقها
وجيبوا ورده لأجمل بنت حبتها
قولولها: إنه خلاص مش زعلان
وإن للحياه مش هتقف عليه
حبي غيره بقى وانسيه
ودي عجله وبتدور
بس يعلم ربنا أنا كنت بحبك قد ايه
وإن اللي بينا كان هيشوف النور
ومتنسوش تقولوا لأمي
إن الدخان اللي بتشمه
مكنش مني
لاعمري شريت سجاره
ولا كنت مصاحب شطان وجني
وأسف لكل واحد غلط فيه ومعتذرتش
ولاي حد جيت عليه ومفكرتش
واسف لبنت حبتني وكنت طايش
سامحوني..
عارف غلط كتير وأنا عايش
نفذوا وصيتي
شيلوا تابوتي بأديكوا
وافتكروا إن كنت منكوا مش عليكوا
ادعولي بالرحمه
وادعوا ربنا يغفرلي
و بلاش تنسوني في الحياه والزحمه
ومتنسوش
تزروني وتجيبوا ورد عل قبري
وابوس ايديكوا متبكوش عل عمري
ولا تبكوا عل اللبن المسكوب
أنا هكون في مكان احسن
ده كله مقدر ومكتوب.

أحمد عبده
31,أكتوبر,2018


الكلمات الدليلية: الوصيه,




التقييم = 0 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل