قصيدةايوا انا فاكر| موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة

ايوا انا فاكر

ايوا انا فاكر اول يوم ف الثانويه
يوم ما قولت يارب كن معايا دي سنه فقريه
ايوا انا فاكر لما قولت هبداها جد
وعمري ما هسمع ف يوم لكلام حد
ايوا انا فاكر اول محاضره ف التاريخ
فاكر لما قال ركز دي ماده عايزه تفتيح
ساعتها قالولنا في حمله جت علي مصر
و بعد كام فصل محمد غير العصر
و فاجاه بقينا ف حروب
لاكن رجعنا الارض المسلوب
ايوا انا فاكر اللمه ، فاكر الصحاب
فاكر لما كنا نقعد نصحك من غير اسباب
ايوا انا فاكر الدروس
فاكر المشوار و اللف و القول ان دا كبوس
و ساعه الامتحانات مكناش عارفين ندوس
ع القلم عشان نكتب اادرس المحفوظ
تاريخ ، جغرافيا ماليين الراس
و مواد فلسفيه تعبتني خلاص
كل دا ف دماغي مش عارف ليه؟
دا انا ماستفدتش منهم حتي بجنيه
دايما فلوس رايحه للمدرسين
محدش حاسس بالناس الغلابه الفقريين
و بعد م النتيجه بانت
و قولنا ع الحلم هانت
لقينا الدرجات غريبه!
قولنا اكيد في مصيبه
قالولنا في تظلم و الماده ب ١٠٠ جنيه
ليه كدا بس يا بلدي طب انا عملت ايه؟
مش عارف اخد حقي
ولا حتي افتح بقي
بلد ماشيه السطه
و اللي يحب يدخل جيش او شرطه
لازم معاه واسطه
مستقبلي بيضيع قدامي
عشان بلدي مش حباني
بس انا هقولك كلمه
انا ماشي و مش راجع تاني
#fady_ebrahim

فادي ابراهيم
07,سبتمبر,2018


الكلمات الدليلية: ايوا, انا, فاكر,




التقييم = 0 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل