قصيدةرباعيات روح إنسان | موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة

رباعيات روح إنسان

روح إنسان
1- روح إنسان بتمل
عيشا كلها غل
بتفتح على صوت عصفور بيقول
نفسي أكون فنان للكل
2- آه يا كارهين فالانتين الحب
ليه؟ مش عارفين إن دا أكبر ذنب
ولا خلاص إسودتو خالص
من بعد شكلتم أكبر حزب
3- متربي على طبلية أبويا
محبراهيم عمره ما كان متعاص بالبويا
ولا عمروش باع وإشترى برخيص
تسلم وتعيش ميت سنة بويا
4- إمتى هانستهدى بربنا ونفوق
من غير صوت عالي
وحنجرة متوصلة بالبوق
يا نهار شكله مش علهشاني
من ساعة ماتخرجت م الكليه
وأنا عايش عالطول كدا محموق
5- شاربه بمغرفة همي
لغايةما سود من ورا كدا دمي
مش عارف فين بس أروح
وهو جينوم واعي ومش متغمي
6- واقف على طرف زمان
ماسك في إيدين متلزقه بلبان
وكل ما بص بطرف عنيه
ملقاش نفسي ف أي مكان
7- قابل على نفسك بس إزاي
تعيش من غير عزف وقيثارة وناي
عايز يعني تكون للكل
دا اللي ينافق إنسان ني
8- فاتح كل حواس متنيلة فيا
مستني أشوف لو واحدة بس حوريا
ياما قالو ليه زمان وحكولي
إن الساعة تلاتة تمام بتفوت منهنا جنيا
9- مالك يا طبيب محجوب كدا ليه
ورا مكتب فخم وعاليايه جرى إيه؟
عماله علينا كل شويه تغني
لأ خد بالك دا انت صغرت قوي ف عنيه
10- وأخيرا طلع الفجر قصادي وشق الباب
وأخيرا بان ع السطح الهادي أحلى شباب
بس لأن الفالصو حبايبو كتير
مات الحلم على إيد كداب
11- فسو كاوتش استبن العربيا
من بعد ما فسو معاه الفرده القُدامانيا
وقالو الفاعل نكتبه إيه؟
آه يا ولاد الحراميا
12- ملعون أبو أم الفول ع الطعميه
ملعون أبو أم طعام بيجبلي أنيميا
مش فاضل غير بس شهادة موت
وأبقى واحد كان هنا ف الدنيا
13- باحب أتكلم من جوايا يوناني
أصل المعنى هناكخالص شيء تاني
مش هري ورغي لأ دا صحيح
عالم فاهم عالم تاني
14- إنساني العايش فيا بقاله زمان
حواليه سحره حواليه كُهان
كل ما بيفكر بس يفكر
بسرعة بتتمدله إيد سجان
15- كلامنا كلام ملزوق بتفافه
عامل شوف كدا زي محل علافه
شطة وفلافلها كتير
ميت صنف ولون يا كنافه
16- بثبوت النون مرفوع الفعل
كما لو كان مجنون بيعاني السل
تقولي دا مين دا يكون يا جميل
أأقولك واحد شكله يعل
17- مشوارك بأه جد صعيب يا طبيب
يالي دواك مالو صاحب
ولا حتى حبيب
عامل فيها كبير على إيه
ما أنت كمان بتعي وبتشيب
18- قطر وناس جواه بيغنو
قاعدين ع الأرض وجنب الحيط يتمنو
بس في لحظة فوق بيقولو
معقولة الناس
في القطر التاني هايستنو
19- شيخ قسيس حوارات وكلام
ماتهدو شويه بلاش أفلام
عايزين إيه الناس ينتحرو
بتبيعو إيه ولمين وبكام ؟
20- فرعون فرعوني فرعوني جبان
أجيلو يمين يعمل سهتان
وكل ما أمشي معاه في طريق
يهرب مني ويعمل تعبان
21- إيه يا بنات ماتهدو شويه
لسه كتير بشويش يا صبيه
عايزا فلوس آه ومزجميل
طيب بإمارة أيه يا وليه
22- في عيونها الفرحة زي البلالين
وانا ساكت واقف زي المسكين
مستني العيد علهشان يدوني هديه
وبقية العام أيام ملاعين
23- حبيبتي بتلعب جُمباز وباليه
روحها جيزيل شوف بنت الإيه
ياما نفسي معاها ألف وأطير
بس دا صعب دلوقتي عليه
24- أنا لما باحب بارجع طفل صغير
وباشوف الناس دخان بيطير
وبعلو الصوت العالي باقول
انا حاسس إني برنس أمير
25- مشيت مشوار في الحب زمان
حبيت السمرة والبيضة كمان
وكتير ياما وياما شفت حاجات
ولعبت كتير ويا الرُمان
26- آسف يا حبيبتي مكنتش أيوه بريء
ومكنتش عايز أمشي معاكي طريق
بس دا حقك مني خديه
إن شالهق حتى تولعي فيا حريق
27- أتمنى تكوني حبيبتي بخير
من غيري عايشة مولفا مع طير
أنا عارف إن كلامي كلام مجانين
بس لأني بحبك بتمنالك كل الخير
28- أفريقي باحب الناس السمرة
باعشق طينة وعيشة مغامرة
ياما نفسي أعيش أنا عمري الجاي
وانا وياهم كدا ع الفطرة
29- ريتا حبيبة قلبي كينيه
قبيلتها كُوكويو جامدة قويه
وانا طالب قرب وعايز أناسب
أدفع مهر لأحلا صبيه
30- كينيا حبيبة قلبي يا غاليه
لساكي فاكرة ولا نسيتي شكل عنيه
أنا عشت معاكي عمر جميل
أكلت أُوجالي بدل الطعميه
31- أُمي حبيبة قلبي وحشتيني
نفسي أبوس الإيد واتملاكي بعيني
فرقت ياما معايا كتير
غيابك عني يا نور عيني
32- سامع ياما الدعا ف وداني
وكلام متنقي مخصوص علهشاني
دا ياما دعيتي وصليتي الليل
قلتي يارب تحققله أماني
33- حواليه دواعش زي الدبابير
عايزين ياكلوني ويرموني ف بير
بس لأن الرب عليه حفيظ
بيبعتلي ملايكا مخليني أمير
34- عندي قواضي كتيره على الفاضي
خناقة تفاهه بين ناس على الماضي
أزواج زوجات صدعو في دماغي
ومحدش فيهم بالحكم دا راضي
35- أحلام البنت بتتلخص دلوقتي
في واحد تركي يقولها يا حبيتي
شعره مسبسب ولسانه مترين
ماتصحي النوم على إيه يا حبيبتي
36- المترو الساعة تمانية الصبح ضروري
يشيل الناس كلها ويدوُري
طب قولي إزاي دا يكون يا زعيم
والسد بنوه وهايقطعو نوري
37- أرسمي حلمي الواضح متوضح
وبلاش يا حبيبتي تخليني أتفضح
إيه جرى إيه يا ام الدنيا
مين قال الأم ف أبنها بتفضح
38- الطينه المعجونة بغش وتدليس
ماتجبش أكيد غير ناس بتهيص
بيلعبو ع الحبل وغاويين
يعملو طعميه ف قراطيس
39- يا يابان أعتذري دا الحق عليكي
شوفي دم البت أهوه مالي إيديكي
كلمة آسفة مش بتعور
فيها أيه لو قلتي لكوريا متأسفه ليكي
40- روسيا المتمردة عالطول
غاوية الحرب عايزاها تطول
مش عارف ليه مناخرها طويلة
بتعاند امريكا كل ما بتقول
41- ترامب رئيس واعي من الآخر
بيحب بلاده أول عن آخر
وإن حد لمسها بيزعل قوي جدا
بيقوله بسرعة قوم فز إتاخر
42- قولوني العصبي محتاج تدمير
زي حاجات تانية في بلدنا كتير
من كتر ماشالت وإحتملت
أنفجرت فيها المواسير
43- من قدري حاولت أهرب وأسيب
لفيت لفيت عشت الترهيب
لكني رجعت مجبور من تاني
نخيت نخيت كدا زي أُوديب
44- مجنونة يا قمرة والناس ملاعين
يشوفوكي يقولو أحنا العاشقين
ولما تغيبي بس شويه
يشاورو بسرعة على نجم حزين
45- قلبي المفتوح ع البحري دا تملي تعبني
كل ما قله بلاش وإتئنا يرجع يغلبني
يسألني يقولي
تقدر تمنعني
46- في خيال المدعو أريستوفانيس
معاني تجن اللي بدعها باريس
سلكاوي ودوغري بيوصل للمعنى
دا اللي يشكل أُم الأحاسيس
47- الحافظ طول عمره دا تملي بليد
وبيخلص عمره وهوه مكابرو عنيد
معندوش غير نفس الحل
معندوش غير نفس الترديد
48- أيوب طول عمره صابر ووحيد
مقطوع من الصحبة وم الأهل أكيد
مسكين دا محدش فاهمه
غيررب وحيد
49- الحب خلاص بقه زي التاتوه
تعمله دلوقتي تشيلو بشامبوه
ماكنش زمان بيشطب عالطول
لأ دا شويه شويه مش كدا لأ نوه
50- يا ناصر يا حقود يا حسود
يامولع فيها ببنزين وبارود
مشروع إيه اللي أنت عملته
فرقت ما بين مسلم ويهود

ابراهيم صالح
11,أبريل,2018


الكلمات الدليلية: رباعيات, روح, إنسان,




التقييم = 0 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل