قصيدةو حيلتي إيه| موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة

و حيلتي إيه

و حيلتي إيه غير الورقة
أطلَّع فيها مكنوني
كدا كدا مركبي غارقة
في بحر هواكي و شجوني
و لو عندك مهش فارقة
و مهما الناس يعاتبوني
على الورقة بأفضفض لي
و أواسي قلبي و عيوني
كلام بالنسبة ليكي كلام
دا لو أصلاً في يوم قريتيه
لكن عندي أنا في مقام
حياتي .. آه حياتي فيه
على الرغم إنّ كله آلام
لكني بشوفه بفرح بيه
عشان شايفِك هنا ف معانيه
و حيلتي إيه
و حيلتي إيه غير الورقة
و ليل أسهر أقاسي فيه
يطمّني و يلهمني
و عارفة أنا كمان بواسيه
بيشكي من عيون دايماً
بتنقل حزنها لعنيه
بقينا صحاب عشان خاطرك
و ليه كاسرة بخاطرنا ليه
عيونك ليه مخاصمانا
حبيبتي عمرنا بيجري
ما تبقى كريمة ويانا
بنظرة عطف يا قمري
تخلي عيوننا فرحانة
بنظرة مش عشان خاطري
عشان خاطر النجوم و الليل
--------------------
محمود الجندي

محمود محمد البسيوني الجندي
21,مايو,2017


الكلمات الدليلية: و, حيلتي, إيه,




التقييم = 0 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل