قصيدةمش ضد النظام| موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة

مش ضد النظام

أنا مش ضد النظام
لكن ضد الفساد
و تكسير العظام
للثوار الجداد
ضد الخوف اللي صابنا
و الله يرحم صحابنا
الثوار القُدَام
الثوّار الشُدَاد
أنا ضد الظلم دا اللي
فاكر إنه عشان يعلِّي
لازم سيفه تملِّي
على رقاب العباد
أنا ضد الشعب لمّا
يتمادى في السكوت
و يعشِّش في البيوت
من خوفه ع الولاد
أنا ضد اللي يفوت
مش سايب أي بصمة
عنده نور زي ضلمة
و الموت زي الميلاد
أنا ضد الكل لما
يبقى عن غيره أعمى
نفسُه و بس المُهِمّة
و متبِّت في العِناد
أنا ويا الحق كلمة
بتدوِّي بأعلى صوت
طول ما بترفض تموت
هتعيش حرة البلاد
---------------
محمود الجندي

محمود محمد البسيوني الجندي
20,مايو,2017


الكلمات الدليلية: مش, ضد, النظام,




التقييم = 0 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل