قصيدةيا عم الشِعر| موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة


يا عم الشِعر

يا عم الشعر سيبني ف حالي عايز أنام
كلامك ده يدخلني حقول ألغام
و أنا باتمنى أعيش ف سلام
بتكتب ليه بفتح الغين وإظهار السكون ع الميم
ليه تكتب غَمْ
عشام محروق على بلدي اللي حالها يُغم
عشان مخنوق من التوهة اللي تايهنها
عشان مصر اللي زعلانة و طفشانة وسايبانا و لا قالتلنا فينها
هيعمل إيه علم مرفوع
إذا ما الشعب مات م الجوع
و نعمل إيه بسكرنا و إزازة زيت
لو المدفع بيضرب كل يوم البيت
ما بين نارين كما المعتاد ..و ألف علامة استفهام
بَطَلْ يا عم نشهدلك
مسكت الحكم فين عدلك ؟
بينزل حدنا الأدنى
محدش هامه كام خدنا
و ممنوع نعترض لو حدهم أقصى
و منسية هموم القدس و الأقصى
تقيل الحمل مش ناقصة
بلاش دلوقتي حق الشهدا
مسيرة ترجعه الأيام
م تعمل حاجة يا ريس م تتكلم
متحسبهاش كما المخلوع تقوللي معايا شرعية
م تحسبهاش كما المعزول تقول الأمن متحكم
عشان الشعب لو فاض بيه
لا فارقة معاه و لا ديا و لا ديا
يا مجلس شعب متخفي
كإن جوازنا بيه عرفي
بتعمل إيه .. صباحك فل
يا مجلس وزرا كل يومين يحط قرار
يولع كافة الأسعار
و أعصاب الجنيه تنهار
إذا قدامه قالوا دولار
منورنا يا سيد الكل
خلاصة القول يا ريسنا
يا حامينا و حارسنا
إذا مسئول يرد عليك بكله تمام
تكتبه الاستقالة قوام
عشان عايز يبيع أوهام
كفاية كده
يا عم الشعر سيبني ف حالي عايز أنام

خالد الشيباني
20,أكتوبر,2016


الكلمات الدليلية: يا, عم, الش, عر,




التقييم = 0 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل