قصيدةانشودة الهاجس| موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة


انشودة الهاجس

انشودة الهاجس
اليوم ابورامي الهاجس به انشوده
جالس يدندن حليله ماحدن قده
يالله تجعل له الافراح ممدوده
جعل الليالي تجي له حسبما وده
الوقت يمضي دقايق ضبط معدوده
ماهمني الوقت لا ضبطه ولا عده
العمر محدود والايام محدوده
ماينقصه شي ولا له زود عن حده
ايام شابت مضت وايام مولوده
ايام فيها الرخاء وايام من شده
ايام ياتي الربيع بالعطر ووروده
وايام ما تلتقى فيها ولا ورده
الصيف ياتي بحره واجمل ارعوده
ياطول ليل الشتاء وياقسى برده
مالي انا والخريف ماعبر وجوده
ولابياض الشعر في الراس والعرده
ياكم ليالي مضت بالهم منكوده
وكم ليالي الهناء كمل بها سعده
بعض الليالي هنية نوم محموده
وبعضهن كبهن مهنا بهن رقده
احيان نفسي من الزيدان مسدوده
واحيان باتلحق الماعون والفرده
الحمدلله والخيرات موجوده
من رزق ربي ومن فضله ومن مده
عشنا على آمال وهميه وموعوده
تاره يخيب الأمل تاره يفي وعده
وصار في هاجسي افكار مشدوده
ساعه يقهقه وساعه جر بالنهده
واليوم ابورامي الهاجس به انشوده
جالس يدندن حليله ماحدن قده
(جديد ابورامي

احمد صالح الرملي منيف
28,فبراير,2016


الكلمات الدليلية: انشودة, الهاجس,




التقييم = 0 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل