قصيدةانا المصرى| موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة


===انا المصرى===

===كارم الطير===
انا المصرى انا الساكن و انا
المسكون بطعم النيل وموالك
انا العايش كما المجنون ف ليل
حبك و انا الحالم اشوف
فجرك و نور شمسك تدفينى و
جوة عنيك برمشك تغطينى
يا شهد التمر و ريحة العنبر يا بنت
النيل يا سمرايا يا ضلايا
يا ست الكل يا بلدى دة اسمك
مصر اسمك عصر و عبادة و
سجادة و مفرودة بطول الارض
يا صاينة العرض يا محروسة
انا عاشقك انا بحبك بجلبيتك و
فستانك و بنخلة عالية فى
بستانك و شجرة تين و بحب
الطين فى ارضك و ريحة الصبح
فى ربوعك و انا حبيبك انا شبعك
انا جوعك انا رجلك يا ست
الدنيا يا عروسة انا فديتك فدى
بسمة من ثغرك ابوس ايديك
اصليلك و ادعيلك تكونى عالية
يا غالية يا نور عينى يا ارض
الجد و الجدة يا اصل الكون يا قلب
الناس و ضحكتهم ياحلم
و سكنة ف بيوتهم و غنوة تعدى
سكتهم و انتى سقف ضلتهم
انا المصرى يا ست الحسن يا كبيرة
و اميرة يا تاج العزة بشموخك
يا منصورة بحب الناس يا غنية و غنية
الكل حنية و قلبك سايع الكل
ياصبرة و مش ناسية ولاد طينك و
حبينك بالوانك و انا بحبك وبعشق
فرح بشايرك و اناديلك فى ليل فرحك
و اغنيلك و اعزفلك بناى خيرك
منا الطيب و انا الزارع ربوع ارضك كلام
شعر علشانك و ضفيرك يامصر
يا اسم مرسوم بكفوفى فدلك ولدى و
اخوة لو زاد عليك خوفى يا قصيدة
عشق ازلية مكتوبة فوق صدرى بايد احمس
و تحسمس و مينا موحد القطريين
و مختوم بتاريخك و عمر النيل على
ارضك و شريانى مدد فيك بيرويك
لانى بحبك و اسم اصولى باسمك
انا المصرى الى شاريك يا ست الحسن
يا سمرة

كارم الطير
26,يناير,2015


الكلمات الدليلية: انا, المصرى,




التقييم = 100 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل