قصيدةحلم واحد مصرى| موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة


---------------حلم واحد مصرى---------------

------------كارم الطير------------------
كنت باكل وسط عيالى فوق طبليتى شوية فول
و عيش اسمر يجنن و جرجير ة بصلة ناشفة بس
اية كانت حكاية و كان كل حد فينا يقول حكاية
حتى ام العيال كنت بتحكى حكاية حلوة و اتفجانا
الباب يخبط و كلنا بصوت يخوف قلنا مين لقينا ناس
بيزعقو قالة افتحو جين عاشنكم رحنا قايمين كلنا
عباب عشان فتحو سبقت ام العيال فتحتلهم و اترص
العيال وراها وانا كنت لسة بعدل هدومى وكنت رايح
سمعت صوت بقولها بشخطة وحشة امشى جوة و
وهاتى جوزك نكلمة عشان هنخدة عشان سمعنة
عنة كلام كتير و عرفنا انة بيحبها و فنن عينة حطها
يلا ادخلى و زقها واحد عويل بدراع طويل رحت خارج
عندهم سالتم انتو مين رد واحد وقال بشخطة احنا
ناس مش معروفين جاين عشان متخفيين و قال لناسو
هاتوة معاكم ولف وشو وكان هيمشى رحت صارخ فى
وشهم خلاص عرفت شكلهم عشان كتير خدونى ورحت
عنهم نزل ايدك متمسكنيش انا جاى معاكم حسب هواكم
يا كلاب ياسيبة بتنهشو فلحم الغلابة ..يا مرسومين وهدمكو
فاضية و تقلدو صوت الديابة..يا كدابين و مشهورين على الربابة
اة عليكو يا سجانين اة يا شوية حووش...جاين علية منفوخين
بكروش كبيرة مانطرة ..و رفعين علية كوم بنادق بالرصاص متعمرة
قام رد واحد شدنى و زقنى و كسع رقبتى بكف ايدو عشان اخاف
و يهين رجولتى قدام عيالى بكلمتين جابهم معاة من جوة بيتهم
بصيت فى عينة و قلتلة انت جاى تخدنى عشان حبيبتى بحبها
و جوة ننى شلتها اة بعترفلك انها هى كمان بتحبنى ودايبة فيا
و بتكرهك و كرها مشيك فوق ترابها انت و كلاب الشوارع الى انت
منهم يا خايبين الرجا يا علة على المساكين يا كرباج العرقانين يا
حبة لمامة ياخيبانين رد واحد قال سكتو صوت الراجل دة كمموة عشان
نحاكمة اضربوة قيمو و قعدو قلعوة كل هدومة و لبسو المهم تعذبو
عملو فيا كل حاجة قال عليها و اكتر شوية خلو كل حتة فجسمى قالت اة
الا بقى كنت كاتمة غصب عنى ولا يسمعوش كلمة خلاص سبونى
و رحت قايم لابس هدومى و سترت نفسى و فضلت اقول بصوت يلعلع
انتو كل حاجة وحشة جوة بلدى انتو عتمة فنور عنيها انتو الى رابطين
اديها انتو رما فى كل حاجة انتو جيفة وريحة وحشة سدين نفسها
هى من غريكو تبئى جنة بس انتو روحو فى الف داهية و هى تفرح
و يبئى عيدها بتاريخ جديد لكن هتفضل تفتكر ظلمكو و جحدكو وحقدكو
و مش هتنسى عذاب ولادها و دمهم لانكم قطعتو جسم امكم و بيعتو
فيها كلكو عشابطونكو تتملى و كونتو بتسمو باسم ربكم يلا خدونى
على سجنكو خلونى اخلص منكو و هتكون حبيبتى جوة عينى مليا
قلبى و مش هسيبها عشان دى غالية و هى حبيبتى و سكنتى
عيلتى فى عنية و هى ساكنة كبدتى مصر حبيبتى وونستى

كارم الطير
06,نوفمبر,2014


الكلمات الدليلية: حلم, واحد, مصرى,




التقييم = 0 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل