قصيدةاحنا الشقيانين| موقع شعراء للشعر والقصائد .. Shuaraa

Google+
العودة إلى كل القصائد
طباعة القصيدة


احنا الشقيانين

حنا ولادك يا بلــــــــــــد
فما تغدريش بابنــــــــــــك
وما تقتليش فينا العشم
وتحرًمــــــــــــــــــى ودك
دا احنا اللى راويينك صفا
من دمنا أرضــــــــــــــــك
واحنا اللى حاسبينك دفــا
ولا خونا يوم عهــــــــــدك
طول عمرنـــــــــــا
صابرين على غلبنا
الهم يطرح هـــــم
وف قلبنا حبــــــــــــــك
بصى لولادك حبتين
ما تذوديش بينا الجفــــــــــا
راجعى تاريخك واعرفى
مين همً أولى بالرضــــــــــا
اللى فى خيرك اتنعمـوا
ولاً اللى دابوا م الشقـــــــا
اللى بحريرك فرشوا القصور
ولا اللى توبهم فرش وغطا
احنا أحق بضمتــــــــــــك
احنا فى حاجة لبسمتـــــــــك
يا مصر إحنا التعبانيــــــــن
امتى يجمعنا اللقا

محمود وحيد
03,يوليو,2014


الكلمات الدليلية: احنا, الشقيانين,




التقييم = 0 %


التعليقات

يُسمح لجميع الأعضاء التعليق هنا.. وإذا كنت غير مسجل لدينا فضلاً إنقر هنا للوصول الى صفحة التسجيل