www.shuaraa.com

استحملى



بيني وبين حبك
مسافة من الوجع..
فعشان كده،
استحملي ..
حلمي اللى زارعه
جوه منك،
طوق نجاة..
شايل معاه
ضحك العيال ،
اللي اختفى من الف عام.
والرحلة يا عمري انتهت ،
ف بلاش تفاصيل الفراق
والدمع في عنيكي يبات .
عارفه المحبة بتتحسب
ازاي وكيف؟
بذكريات ..
لما أكون جواکِِى
ساكن في الوريد
يبقي الأكيد
قلبك معاي.


يحيى سمير كامل

29,نوفمبر,2017

لمشاهدة المزيد من القصائد يرجى زيارة الموقع الإلكتروني http://www.shuaraa.com