www.shuaraa.com

توب سواد



يا توب سواد
ملفوف على خصر السما
ممدود علي جزع النخيل
من الف عام..!
امتى الأراضي تتزرع يوم بالنهار !؟
والنيل يا جينا كل يوم
بهزار خفيف ويرشنا
يغسلنا من كل اللي فينا من وجع ؟
لسه الأماني ممكنه
مع رغم ٍإن النوم محاااال
وعيال حارتنا عجزو قبل الأوان
لابسين عيدان الصبر
وف حضن البكا متخبين
خايفين ليجي الدور عليهم
ف السفر والزاد مفيش
حمل حمولك يا صبى فوق الحمول
وافحت ببان للضحكة جوه دمعتك



يحيى سمير كامل

29,نوفمبر,2017

لمشاهدة المزيد من القصائد يرجى زيارة الموقع الإلكتروني http://www.shuaraa.com