www.shuaraa.com

بتشــوف



بتشوف؟
مبشوفش
غير حلمي المرمى علي التلتوار
في بداية شارع عمري
المتلون بدموع البنت اللي بتبكى
عاشان، البدر مجاش
فبتجمع كل خطوط العشق
الممدودة ف الروح
وبتلضمها ف جناح الطير
وتقوله يا طير
بلغ للبدر أن الأحزان
بتخلف بالملايين
من يوم ما بعدت
وان الأحلام
تاهت ف الحلم
فيا طير
إياك تتأخر عنى عشان
أنا أصلى بخاف
من يوم ما البدر مجاش
فيروح الطير
فالبنت تنام
وأنا لسا ماشفت


يحيى سمير كامل

29,نوفمبر,2017

لمشاهدة المزيد من القصائد يرجى زيارة الموقع الإلكتروني http://www.shuaraa.com