www.shuaraa.com

بلياتشو غلبان

كل أيامه بتشبه بعضيها
وحياته عايشها مقضيها
بيوزع فرحه على وشوشهم
وجراحه ومين حاسس بيها
بلياتشو غلبان
عايش يتمشى على المسرح
بتشوفه الناس تضحك تفرح
وهمومه أوام فى عيونه تطرح
فيخبى دموعه فى الالوان
بلياتشو غلبان
بيخدع جمهوره بالضحكه
ويقولو الله على حركاته
يعمل مبسوط وسط السقفه
ويدارى فى الضحكه أهاته
بلياتشو غلبان
بيلون نفسه بلون الصيف
مع ان عنيه بتموت م البرد
يرسم ع المسرح ألوان طيف
بس الالوان جواه بتتهد
بلياتشو غلبان
وشه الزعلان يحكى حكايه
فى وشوش الناس عينها مرايه
بتبين من جواه روحه
وبتكشف زيف الضحكايه
بلياتشو غلبان
بيلون عينه بشمس نهار
مع ان الليل حابس روحه
ودموعه بتجرى كما الانهار
بتلطم فى القلب جروحه
بلياتشو غلبان
أنا والبلياتشو منفرقش
كان هو الاصل وأنا الصوره
أنا والبلياتشو مفرقتش
نظرتنا السوده المكسوره
بلياتشو غلبان
شفت البلياتشو فى مرايتى
وأزازها الباكى البهتان
وهتفرق أيه لو ع المسرح حتي
أو كنت انا وسط الجمهورتعبان
بلياتشو غلبان
هفضل بلياتشو غلبان
بدارى غدر الدنيا فى ألوان
عايش ايامه في امان
وحياته مقضيها كما الانسان
بلياتشو غلبان


خالدالمنصوري

21,أغسطس,2017

لمشاهدة المزيد من القصائد يرجى زيارة الموقع الإلكتروني http://www.shuaraa.com